24-28 қараша аралығында Қоғамдық денсаулық сақтау ұлттық орталығының мамандары санитариялық-эпидемиологиялық қадағалауды күшейту және эпидбақылау жүйелерінің тиімділігін арттыру мақсатында Түркістан облысына жұмыс сапарымен барды.
Сапар барысында облыстың Санитариялық-эпидемиологиялық бақылау департаменті мен Денсаулық сақтау басқармасының басшылығымен кездесу өтті. Кездесуде қызметтердің және медицина ұйымдарының төтенше жағдайларға дайындығы, медициналық көмек көрсетуге байланысты инфекциялардың алдын алу, антимикробтық резистенттілікті тежеу шаралары талқыланды.
№3 Облыстық перинаталдық орталығы және Облыстық клиникалық ауруханада ішкі бағалау жүргізілді. Медицина ұйымдарының төтенше жағдайларға дайындығы мен инфекциялық бақылауды ұйымдастыру деңгейі де қаралды.
Ұлттық орталық мамандары барлық клиникалық және қосалқы бөлімшелердің жұмысымен танысып, жергілікті мамандарға әдістемелік қолдау көрсетіп, қауіпсіздік жүйелерін нығайту бойынша практикалық ұсынымдар берді.