2025 жылғы 30 маусымда Қазақстан Республикасы Денсаулық сақтау министрлігі Қоғамдық денсаулық сақтау ұлттық орталығының “Санитарлық-эпидемиологиялық сараптама және мониторинг ғылыми-практикалық орталығы” филиалының базасында аралық деңгейдегі FETP (Field Epidemiology Training Program – Intermediate) бағдарламасы бойынша оқыту басталды.
Бағдарламаға Қазақстан Республикасының санитариялық-эпидемиологиялық және ветеринариялық қызметінің мамандары, сондай-ақ Өзбекстан, Тәжікстан және Қырғызстаннан келген ветеринариялық қызметтің өкілдері қатысады.
Курс Қазақстандағы Дүниежүзілік денсаулық сақтау ұйымының елдік кеңсесінің, пандемия қорының елдік грантының қолдауымен, сондай-ақ Орталық Азиядағы ауруларды бақылау орталықтарының техникалық көмегі арқасында ұйымдастырылды.
СDC әзірлеген FETP Intermediate бағдарламасы қолданбалы эпидемиология және қадағалау саласындағы практикалық дағдыларды дамытуға бағытталған.
Оқыту аясында қатысушылар эпидемиологиялық қадағалау жүйелерін бағалау әдістерін, сипаттамалық эпидемиология негіздерін, эпидемиологиялық зерттеулерді жоспарлауды, бұрқетпелерді тергеу принциптерін, сондай-ақ эпидемиологиялық деректерді талдау және визуализациялау әдістерін зерттейді.
20 жылдан астам уақыт бойы денсаулық сақтау ұлттық орталығы екі жылдық FETP-Advanced курсын жүзеге асырудың негізгі алаңы болып табылады. Сонымен қатар, Орталық аудандық деңгейдегі мамандарды даярлаудың базалық бағдарламасын қалыптастырды.