2025 жылғы 2 сәуірде Астанада адам папилломасы вирусына (АПВ) қарсы вакцинация мәселелеріне арналған маңызды конференция өтті. Іс-шараға эпидемиология, онкогинекология және қоғамдық денсаулық сақтау саласындағы жетекші мамандар, медициналық ұйымдардың басшылары, сондай-ақ ауруларды алдын алу және вакцинация саласындағы сарапшылар қатысты.
Бұл іс-шараның маңыздылығын конференция барысында талқыланған статистикалық деректер көрсетеді. Қазақстанда ВПЧ вакцинациясы екі кезеңде жүргізіледі, сонымен қатар иммунизация үдерісі күнделікті мониторингтен өтуде. 2025 жылдың 2 сәуіріне дейін бірінші кезеңде, 2024 жылы, 128 616 адам вакцинацияланды. Екінші кезең 2025 жылдың наурыз айында басталып, 4 460 адамды қамтыды.
Алайда, осы іс-шараға қарамастан, мәселе өзектілігін сақтап отыр, өйткені адам папилломасы вирусы – жыныстық жолмен берілетін ең кең таралған инфекциялар бірі және жатыр мойны обырының дамуының негізгі қауіп факторларының бірі. Дүниежүзілік денсаулық сақтау ұйымының мәліметтері бойынша, әлемде жыл сайын осы аурудың шамамен 600 мың жағдайы тіркеледі. Қазақстанда жатыр мойны обыры әйелдер арасында онкологиялық аурулардың екінші орнын алады, жыл сайын шамамен 2 000 жаңа жағдай анықталып, 600 әйел осы патологиядан көз жұмады.
Ұлттық қоғамдық денсаулық сақтау орталығының басқарма төрағасы Айжан Есмағамбетова бұл жағдайдың қосымша күш-жігер мен жан-жақты жұмыс жасауды талап ететінін атап өтті. «Жатыр мойны обырының бремі, әлемде де, Қазақстанда да өте жоғары болып отыр. Бұл біздің елдегі әйелдер арасында таралған екінші онкологиялық ауру. Әлемде жыл сайын 600 мың жағдай тіркелсе, Қазақстанда шамамен 2 000 жағдай анықталады, оның 600-і қайғылы аяқталады», – деп атап өтті ол.
Астанада өткен конференция қоғамдық денсаулық сақтау саласындағы өзекті мәселелерді талқылау үшін маңызды кәсіби алаңға айналды. Іс-шара барысында білім мен тәжірибе алмасу жүзеге асырылды, сондай-ақ Қазақстандағы ВПЧ вакцинациясы бағдарламаларын әрі қарай жетілдіру жөнінде ұсыныстар әзірленді. Қатысушылар вакцинациямен қамтуды кеңейту және халық арасында жатыр мойны обырының алдын алу маңыздылығы туралы ақпараттандыру стратегияларын әзірлеу қажеттілігін атап өтті.