Қазақстандағы Global Laboratory Leadership Programme (GLLP) зертханалар көшбасшылары мен басшыларына арналған жаһандық бағдарлама

2021 жылғы 25-26 қарашада ҚР ДСМ “Қоғамдық денсаулық сақтау ұлттық орталығы” ШЖҚ РМК “Санитарлық-эпидемиологиялық сараптама және мониторинг ғылыми-практикалық орталығы” филиалының базасында тезистік жұмыстарды қорғау бойынша GLLP (Global Laboratory Leadership Programme) бағдарламасы бойынша күндізгі оқудың қорытынды бөлімі өтті.
Мақсаты – зертхана басшыларына тәлімгерлік қолдау көрсету зертханалардың ұлттық жүйелерін құру, нығайту және қолдау.GLLP бағдарламасын алты жетекші ұйым әзірледі: Дүниежүзілік денсаулық сақтау ұйымы (ДДҰ), АҚШ-тың Ауруларды бақылау және алдын алу орталығы (СDС), АҚШ Қоғамдық денсаулық сақтау зертханалары қауымдастығы (APHL), Біріккен Ұлттар Ұйымының Азық-түлік және ауылшаруашылық ұйымы (ФАО) және Дүниежүзілік жануарларды қорғау ұйымы (МЭБ).
Тренингтің ашылуына ДДҰ өкілдері – Еуропалық бюро зертханалық қызметінің маманы Джоан Зветьенга және ДДҰ Елдік кеңсесінің өкілі Александр Джагупаров қатысты.
ҚР ДСМ ҚДСҰО-ның СЭСжМҒПО филиалының директоры Айнагүл Қуатбаева оқытудың барлық ұйымдастырылған кезеңдері қоғамдық денсаулық саласында озық тәжірибе мен білім алмасу болып табылатынын, алынған нәтижелер барлық қатысушыларға және бірінші кезекте қазіргі заманғы Қазақстанның медицина ғылымына пайдалы болатынын, ал ұсынылған ұсынымдар іс жүзінде өз қолданысын табатынын айтты.– Қазір қорытынды кезең, бағдарламаға қатысушылар барлық оқу кезеңінде процестік тәсіл және тәуекелдерді бағалау, жоспарлау, сапа бақылауларының индикаторлары (сапалық және сандық), ішкі аудит, ішкі аудиторға қойылатын талаптар, зертхана басшысы мен сапа жөніндегі менеджердің құзыреттерін айқындау, сондай-ақ қызметкерлерді басқару бойынша білімді игерді.
Оқыту аясында Жаһандық бағдарламаға қатысушылар екі күн ішінде тезистерді қорғады, атап айтқанда, қауіпті биологиялық агенттермен жұмыс істейтін зертханаларға қолданыстағы санитарлық ережелерді талдау, зертханада үлгілерді тасымалдау процесін талдау, вирустық гепатиттер бойынша ДК-нің қолданыстағы ұлттық бағдарламасына шолу жасау, зертханаларда төгілудің алдын-алу және салдардың алдын-алу, қызметкерлердің рөліне шолу және ISO талаптарына сәйкес оның жұмысының тиімділігіне талдау жасау, ISO бойынша аккредиттелген зертханалардағы ішкі аудит процесіне шолу.Оқу соңында қатысушылар тезистік жұмыстарды талқылау және жұмыстың қорытындысын шығару үшін менторлармен бірге жиналды. Бұдан кейін көшбасшы зертхана басшылары үшін жаһандық бағдарлама қатысушыларына ( GLP) 8 кредит (240 сағат) көлемінде халықаралық үлгідегі сертификаттар мен біліктілікті арттыру туралы куәліктер табысталды.