Қоғамдық денсаулық сақтау ұлттық орталығы Жамбыл облысындағы Қалалық перинаталдық орталықтың медицина қызметкерлеріне инфекциялық бақылау мәселелері бойынша оқыту өткізді. Іс-шара ана мен бала денсаулығын қорғау ұйымдарында инфекциялық қауіпсіздікті күшейтуге бағытталды.
Оқытуды ҚДСҰО инфекциялық бақылау және антимикробтық төзімділікті үйлестіру бөлімінің басшысы Гаухар Агажаева мен Санитариялық-эпидемиологиялық бақылау комитетінің бас сарапшысы Динара Омарова жүргізді.
Бағдарлама аясында клиникалық бөлімшелерде жұмыс барысына бағалау жүргізіліп, медицина қызметкерлері үшін жұмыс орындарында практикалық сабақтар мен трейсер-визиттер өткізілді. Сондай-ақ Дүниежүзілік денсаулық сақтау ұйымының IPCAF құралы арқылы инфекциялық тәуекелдер бағаланды.
Оқу қорытындысы бойынша медициналық ұйымға инфекциялардың алдын алу және инфекциялық бақылау жүйесін жетілдіруге бағытталған нақты ұсынымдар берілді.