Национальный центр общественного здравоохранения

Құрметті сайтты пайдаланушылар!

Қазақстан Республикасы Денсаулық сақтау министрлігінің Қоғамдық денсаулық сақтау ұлттық орталығының блог-платформасына қош келдіңіздер!
Денсаулық әрбір адамның және жалпы қоғамның баға жетпейтін байлығы. Жақын адамдарымызбен кездескенде, қоштасқанда біз бір-бірімізге денсаулық тілейміз, себебі, денсаулық – толыққанды және бақытты өмірдің кепілі.
Адамның ең басты байлығы – өмір, ал өмірдің құндылығы – денсаулық.
Елбасы «Төртінші өнеркәсіптік революция жағдайындағы дамудың жаңа мүмкіндіктері» атты Жолдауында салауатты өмір салтын насихаттай отырып, қоғамдық денсаулықты басқару ісін күшейту қажеттігіне назар аударды. Осыған байланысты біздің орталықтың жұмысы, ең алдымен, қоғам денсаулығын сақтауға, жақсартуға және сауықтыруға бағыттталған.
Біздің орталық Елбасының квазимемлекеттік сектор субьектілерін оңтайландыру жөніндегі тапсырмасын жүзеге асыру аясында үш мемлекеттік мекемені: Салауатты өмір салтын қалыптастыру проблемаларының ұлттық орталығын, Х.Жұматов атындағы гигиена және эпидемиология ғылыми орталығын және Санитарлық-эпидемиологиялық сараптама және мониторинг ғылыми-тәжірибелік орталығын біріктіру арқылы құрылды.
Орталық «Назарбаев Университет» дербес білім беру ұйымымен, еліміздің медициналық жоғары оқу орындарымен, денсаулық сақтау саласындағы ДДСҰ, Біріккен ұлттар ұйымының балалар қоры, БҰҰ-ның халықтың қоныстануы саласындағы қоры, Қоғамдық денсаулық сақтаудың халықаралық ұлттық институттары қауымдастығымен (IANPHI) өзара әрекеттестікте жұмыс атқарады. Біздің идеямызбен бөлісетіндермен бірлесіп жұмыс атқаруға дайынбыз.
Қоғамдық денсаулық сақтаудың әлеуетін дамыту мақсатында ДДСҰ «Салауатты қалалар», «Салауатты жұмыс орны», «Денсаулықты нығайтуға мүмкіндік беретін мектептер», «Салауатты университеттер», «Денсаулықты нығайтуға мүмкіндік беретін ауруханалар» жобалары іске асырылуда.
Белсенді ғылыми-зерттеу қызметі жүргізілуде, ДДСҰ әдістемесіне негізделген халықаралық жобалар іске асырылуда. Олар: Қазақстан Республикасындағы ересек халық арасында темекі тұтыну туралы жаһандық сауалнама (GATS), Жастар арасындағы темекі тұтыну туралы жаһандық сауалнама (GYTS), Балалық жастағы семіздікке шалдығуды қадағалау бойынша ДДСҰ еуропалық бастамасы (COSI), Денсаулыққа қатысты мектеп жасындағы балалардың мінез-құлқы (HBSC) және т.б.
Біз бірлесе күш жұмсау арқылы денсаулықты нығайту мен дені сау тұрақты болашағымызды жасаушы ретіндегі физикалық белсенділікті арттыру үшін жаһандық қозғалысты өркендетеміз деп сенеміз.

Құрметпен,
ҚР Денсаулық сақтау министрлігі
Қоғамдық денсаулық сақтау ұлттық орталығы
директоры,
профессор Уәлихан Ахметов