Национальный центр общественного здравоохранения

Дүниежүзілік денсаулық сақтау ұйымы ұйымдастаруымен флагмандық курс өтуде

Бүгін 10 ақпанда Қоғамдық денсаулық сақтау ұлттық орталығының қызметкерлері Қазақстандағы Назарбаев Университетімен ынтымақтастық етуге дайындалған Қазақстан Республикасындағы қоғамдық денсаулық сақтау саясаты және практикасы бойынша ДДСҰ флагмандық курсынан өтуге кірісті.

Курс қоғамдық денсаулық сақтаудың негізгі жедел функциялары (ҚДСЖФ) және БҰҰ-ның Тұрақты даму саласындағы мақсаттары (ТДМ) негізінде құрылған.

Қазақстан Республикасы Денсаулық сақтау министрлігі (ДСМ) қоғамдық денсаулық сақтаудың негізгі жедел он функциясы (ҚДСЖФ) негізінде әлемдік деңгейде қоғамдық денсаулық сақтау қызметін қалыптастыру бойынша жол картасын әзірледі. Бұл тұрғыда Денсаулық сақтау министрлігінде жаңа Қоғамдық денсаулық сақтау саясаты департаменті, сондай-ақ Қоғамдық денсаулық сақтау ұлттық орталығы құрылды. Қоғамдық денсаулық сақтау қызметтерін көрсету саласындағы ұлттық үйлестіру Қоғамдық денсаулық сақтау ұлттық орталығының қолдауымен жүзеге асырылатын болады.

Курсты өткізудің мақсаты Қазақстан Республикасының қоғамдық денсаулық сақтау саласында жетекші рөл атқаратын жоғары буын қызметкерлеріне өздерінің кәсіби дамуын жалғастыру мүмкіндігін беру болып табылады.

Курстың құрылымына енгізілген негізгі тақырыптар – Қоғамдық денсаулық сақтаудағы стратегиялық нұсқаулық, ҚДСЖФ іске асыру мақсатында сектораралық ынтымақтастық, фактілерге негізделген саясат үшін деректерді тиімді пайдалану, қызметтердің тиімділігін бағалау, қоғамдық денсаулық сақтау бағдарламалары мен араласулар, қоғамдық денсаулық сақтау және қоғамдық денсаулық сақтаудың ұлттық институттарының рөліне ерекше назар аудара отырып, тұрақты даму мақсаттары (ТДМ).